Entropion ជាជំងឺដែលត្របកភ្នែកបត់ចូលទៅក្នុងភ្នែក ដែលនាំអោយរោមភ្នែក និងស្បែកត្របកភ្នែកប៉ះលើកញ្ចក់ភ្នែក ដែលជាមូលហេតុនាំអោយភ្នែករកាំ និងចាក់រមាស់ក្នុងភ្នែក។

ជំងឺនេះភាគច្រើនកើតទៅលើមនុស្សចាស់ ធ្លាប់មានការប៉ះទង្គិច រឺការឆ្លងមេរោគត្រាក់កូម (Trachoma) ដែលភាគច្រើនកើតលើត្របកភ្នែកខាងក្រោម។

រោគសញ្ញា:

• មានអារម្មណ៍ថាមានអ្វីនៅក្នុងភ្នែក
• ភ្នែកក្រហម​ដែលមកពីការញីភ្នែក
• ភ្នែករកាំ រឺ ឈឺ
• មានអាការ:ចាញ់ពន្លឺ រឺខ្យល់
• ហៀរទឹកភ្នែក រឺស្អិតភ្នែក
• មានពពឹកភ្នែក រឺ មានអង្គែរលើគល់រោមភ្នែក

ផលវិបាកសំខាន់គឺ ការប៉ះទង្គិចលើកញ្ចក់ភ្នែក ដែលធ្វើអោយបាត់បង់គំហើញ។

ការព្យាបាលៈ

• ការប្រើប្រាស់ទឹកភ្នែកសប្បនិមិត្ម ដើម្បីផ្សើមលើកញ្ចក់ភ្នែក
• ការដក រឺដុតគល់រោមភ្នែក ដែលចាក់ចូលក្នុងភ្នែកមានចំនួនតិចជាង10សសៃ
• ការប្រើ Contact Lens ទុនដើម្បីការពារកញ្ចក់ភ្នែក
• ការវះកាត់រោមចាក់ត្របកភ្នែក